Walang Ibang Sadya ni Joey Ayala

Ramirez, Miguel Angelo M. 3LM2

aanhin ang mata kung walang mapagmasdang
sayaw sa indayog ng talahiban
aanhin ang tenga kung hindi mapakinggan
ang awit ng hangin sa punong-kahoy
aanhin ang labi kundi madampian
ng ulan o di kaya'y mahagkan ng ilog
pagmasdan, pakinggan, lasapin ang mundo
walang ibang sadya ang ayos nito
bulaklak sa paanan naghihintay ng pansin
ano pa ang buhay niya kundi mo langhapin
ang bato sa batis - kinis niya'y masasayang
kundi mo mahaplos ang pisngi niyang alay
anhin pa ang balat kundi maramdaman
ang lambing ng araw at ang sariwang simoy
langhapin, haplusin, pansinin ang mundo
walang ibang sadya ang ayos nito
ganoon din ang tao - nang siya'y mahalin
ang tanging pangarap, tanging katuparan

metapor/pagwawangis – “ganoon din ang tao - nang siya'y mahalin ang tanging pangarap, tanging katuparan”
personipikasyon/pagbibigay-katauhan – “bulaklak sa paanan naghihintay ng pansin”, “lambing ng araw”, “kundi mo mahaplos ang pisngi niyang alay”
paglilipat-wika/paurintao – “sayaw sa indayog ng talahiban”, “ang awit ng hangin sa punong-kahoy”
paghihimig/ onomatopoeia – “ang awit ng hangin sa punong-kahoy”